हामी सबैकाे संसारन्यूज

काठमाडौँ । परराष्ट्रमन्त्री तथा कांग्रेस केन्द्रीय सदस्य आरजु राणा देउवाले आफ्नो भारत भ्रमणबारे केन्द्रीय समिति बैठकलाई ब्रिफिङ गरेकी छन् । पार्टी कार्यालय सानेपामा बसेको बैठकमा उनले बर्तममान सरकारप्रति भारत सकरात्मक रहेको ब्रिफिङ गरेकी हुन् ।

उनले भारत भ्रमणका क्रममा प्रधानमन्त्री नरेन्द्र मोदीसँग भेट भएको र सो क्रममा आफूले प्रधानमन्त्री केपी शर्माओलीले पठाएको नेपाल भ्रमणको निम्तापत्र हस्तान्तरण गरेको बताइन् । राणले मोदीले नेपाल आउने जवाफ दिएको तर कहिले भन्नेबारे चाहिँ निश्चित नभएको बताइन् ।

‘दुई ठुला पार्टी मिलेर बनेको सरकारप्रति भारतीय पक्षको सकारात्मक प्रतिक्रिया आएको छ ।’ उनले भनिन्, ‘दुई ठुल ठुला पार्टी मिलेर बनेको सरकारप्रति कस्तो रिस्पोन्स रहन्छ भन्ने थियो । भेटका क्रममा निकै राम्रो रिस्पोन्स रहेको पाएँ ।’

मोदीले नेपालको विकासमा सहयोग गर्ने प्रतिक्रिया जनाएको उने बताइन् । मन्त्री राणाले भनिन्, ‘भारतीय पक्षसँग टीआरसीका लागि सहयोग मागेको छु ।’