Sansar News
काठकामाडौँ । महिलाको मौलिक पहिरन गुन्यु चोली जगेर्ना गर्ने सन्देश बोकेर ५५ वर्षीया सुशीला उप्रेती तिवारीले मेची–महाकाली सम्मको मोटरसाइकल यात्रा समपन्न गरेकी छिन् ।
तिवारीले गुन्यु चोली लगाइर नै मेचीदेखि महाकालीसम्मको यात्रा आफैले बाईक चलाई यात्रा सम्पन्न गरेकी हुन् ।
भदौ ५ गते मेचीको बुद्धशान्ति गाउँपालिकाबाट मोटरसाइकल यात्रा सुरू गरेकी तिवारीले पाँचौँ दिन हिजो आइतबार पश्चिमी सीमा नाका कञ्चनपुरको गड्डाचौकी पुगेर यात्रालाई पुर्णता दिएकी हुन् ।
परापूर्वकालदेखि महिलाले पहिरिँदै आएको गुन्यु चोली लगाउने चलन विस्तारै हराउँदै जान थालेकाले जगेर्ना गर्नुपर्ने सन्देश बोकेर मेची महाकाली यात्रामा निस्कनुपरेको उनको दाबी रहेको छ । “संस्कृति र पहिचान पोसाकबाट पनि झल्की छ, त्यो नै हरायो भने पहिचान गुम्छ । त्यसैले गुन्यु चोली लगाएर यात्रा गरेको हुँ”, उनले भनिन् ।
वि.सं.२०८१ भदौ १० सोमवार ११:२७ मा प्रकाशित
