Sansar News
काठमाडौँ । सेन्ट जेभियर्स कलेज, माइतीघरले फोटोग्राफीको शक्तिबारे बहस गरेको छ । कलेजको प्राङ्गणमा आयोजित कार्यक्रममा पत्रकारिता तथा आमसञ्चार अध्ययनरत विद्यार्थीद्वारा आयोजित मिडिया टक सिरिज ३५औँ शृङ्खलामा फोटोग्राफीका विभिन्न विधाका अनुभवी फोटो पत्रकारहरू र अनुभवी फोटोग्राफरहरूले फोटोग्राफीको नयाँ आयाम र शक्तिलाई हाइलाइट गर्दै फोटोग्राफीलाई पुनः परिभाषित गर्दा मानव शरीरसँग क्यामेरा र फोटोलाई जोडेका थिए ।
कार्यक्रममा डकुमेन्ट्री फोटोग्राफर किशोर शर्मा र तुलसी रौनियारले पत्रकारितामा मात्र नभएर प्रत्येक घरमा प्रत्येक व्यक्तिमा फोटो केन्द्रित हुने भएकाले फोटो शक्ति नै महत्त्वपूर्ण रहेको उल्लेख गरे । उनीहरूले मान्छे जन्मेदेखि मरुन्जेलसम्म फोटोको महत्त्व रहेको र सबै सामाजिक क्रियाकलापमा सोसल मिडियादेखि समाचार संस्थान सबैले फोटोलाई प्राथमिकता दिएकोमा जोड दिए ।
कार्यक्रममा कलेज प्रिन्सिपल डा.आगस्टिन थोमस र मिस नेपाल वर्ल्ड २०२४ की आश्मा केसीले विद्यार्थीद्वारा तयार भएको फोटो बुकलेट Photo Booklet 2024 (sxc.edu.np) विमोचन गरेका थिए । अमेरिकन साइकोलोजि एसोसिएसनले प्रत्येक व्यक्ति फाेटोद्वारा नै परिवर्तन हुने भएकाले व्यक्तिको जीवन फोटोमा रहने सेन्ट जेभियर्स कलेजका पत्रकारिता प्रमुख चुन बहादुर गुरुङले उल्लेख गरे ।
वि.सं.२०८१ भदौ १० सोमवार १४:३२ मा प्रकाशित
