हामी सबैकाे संसारन्यूज

५ जेठ, काठमाडौँ । स्पेनिश क्लब रियलम्याड्रिड बाट व्यवसायिक फुटबल खेल्दै आएका कोलम्बियाका चर्चित फुटबल खेलाडी हामेश रोड्रिग्वेजले रियल म्याड्रिड छोड्ने भएका छन् ।

रियल म्याड्रिडका वर्तमान प्रशिक्षक जिनेदिन जिदानको टिममा नियमित फुटबल खेल्न नपाएपछि हामेशले क्लब छोड्ने निर्णय गरेको बताइएको छ । जिदानले हामेशको सट्टामा इस्को, एसेन्सियो जस्ता खेलाडीलाई अवसर दिदै आएका छन् । हामेशलाई क्लबमा भित्राउन इङ्गलिश क्लब म्यानचेष्टर युनाइटेड इच्छुक रहेको र हामेश रोड्रिग्वेज पनि म्यान्चेष्टर युनाइटेड जान तयार भएको पाइएको छ ।
उता इङ्गलिश क्लब म्यान्चेष्टर युनाइटेडबाट पनि भेट्रान कप्तान वायन रुनीले युनाइटेड छोड्ने सम्भावित कारणले पनि म्यान्चेष्टर युनाइटेडका प्रशिक्षक जोसे मौरिन्होले हामेशलाई युनाइटेड भित्राउन चाहेका छन् ।
सन् २०१४ को विश्व कपमा कोलम्बियाको प्रतिनिधित्व गर्दै गोल्डेन बुट अवार्ड जितेपछि राता रात चर्चामा आएका हामेशलाई फ्रेन्च क्लब एएस मोनाकोलाइ ८५ मिलयन युरो तिरेर रियलले आफ्नो क्लबमा भित्राएको थियो ।
स्पेनिश पत्रिका मार्काको अनुसार हामेशको क्लब स्थान्तरणको बारेमा दुइ क्लब बीच सम्झौता भइसेको र जुन ३ मा हुने रियल म्याड्रिड र युभेन्टस बीचको च्याम्पियन्स लिगको फाइनल पश्चात सम्झौताको घोषणा हुने छ ।