हामी सबैकाे संसारन्यूज

काठमाडौँ । ज्योति विकास बैङ्क लिमिटेडले काठमाडौँ र साइन इख डोल फिटनेस एन्ड रिक्रिएसन सेन्टर प्रा.लि बिच बैङ्कका ग्राहकहरूलाई १० प्रतिशत छुट प्रदान गर्ने सम्बन्धी सम्झौता भएको छ ।

सम्झौता पश्चात् ज्योति विकास बैङ्कका ग्राहकहरूले ठुलो भर्‍याङस्थित, साइन इखा डोल फिटनेस तथा रिक्रीयशन सेन्टरको खानामा १० प्रतिशत छुट प्राप्त गर्नेछन् । उक्त स्विमिङ पुल सहितको  फिटनेस तथा रिक्रीयशन सेन्टरमा पौडी सम्बन्धी तालिमहरूको पनि व्यवस्था  छ ।

हालै बैङ्कले ललितपुरस्थित मेडेक्स मल्टिस्पेशलिटी क्लिनिक एन्ड डायग्नोस्टिक सेन्टरमा २० प्रतिशत सम्मको छुट प्रदान गर्ने सम्झौता गरेको छ । बैङ्कले काठमाडौँस्थित प्रख्यात ट्र्याङक्वालीटी स्पाका देशभरका १७ वटै आउट लेटहरूमा हरेक सेवा तथा सुविधाहरूमा ग्राहकहरूलाई ३० प्रतिशत सम्मका छुट प्रदान गर्ने सम्झौता पनि गरेको छ ।

बैङ्कले जस्मिन फिटनेस क्लब एन्ड स्पामा २० प्रतिशत सम्मको छुट प्रदान गर्ने सम्झौता गरेको छ । ज्योति विकास बैङ्कले ग्राहकहरूको सुविधालाई प्राथमिकतामा राख्दै, देशका अन्य विभिन्न व्यवसायहरूसँग निरन्तर सहकार्य गर्दै, ग्राहकहरूलाई विशेष छुट र सुविधा प्रदान गर्दै आइरहेको छ ।

संस्थागत सुशासनलाई शिरोपर गर्दै, समाजप्रति उत्तरदायी यस विकास बैङ्कले नवीनतम चिन्तनका साथ समाजको अभ्युदय र दिगो परिवर्तनको संवाहक बन्दै समस्त नागरिकको जीवन जाज्वल्यमान बनाउने उद्देश्यलाई सदैव उच्च प्राथमिकतामा राख्ने कार्यलाई निरन्तरता प्रदान गर्ने र आगामी दिनहरू पनि परिवर्तनको ज्योति बन्ने अठोट प्रति प्रतिबद्ध रहेको छ ।

आफ्नो खुद मुनाफाबाट नेपालमा हाल सञ्चालनमा रहेका अन्य बैङ्क तथा वित्तीय संस्थाहरूले सामाजिक उत्तरदायित्व अन्तर्गत सामाजिक कार्यमा गर्ने योगदान भन्दा ५० प्रतिशत बढी रकम छुट्टाई समाजप्रति थप उत्तरदायी बनेको यस विकास बैङ्कले नागरिकको सर्वोत्तम हित सदा उच्च प्राथमिकतामा राखेको छ ।

स्वास्थ्यप्रद जनशक्ति नै राष्ट्र निर्माणको मेरुदण्ड हो भन्ने दृढ मान्यतालाई शिरोधार्य गर्दै, यस विकास बैङ्कले नवजात शिशुको अकाल मृत्यु रोकथाम र जीवन रक्षा गर्न चालेको स्पष्ट पहलकदमी तथा योगदानले नेपाली शिशुहरूको अमूल्य जीवन रक्षा गर्न सफल भएको छ । यस्ता जीवन रक्षण गर्ने  अति प्रमुख क्षेत्रमा नेपालमा रहेका बैङ्क तथा वित्तीय संस्थाहरू मध्ये ज्योति विकास बैङ्कले अग्रस्थानमा रही काम गर्दै समाजमा एक सकारात्मक परिवर्तनको बीजारोपण गरेको छ ।

ज्योति विकास बैङ्कले उपत्यका र उपत्यकाबाहिर गरी हाल १२१ शाखा कार्यालय, ३ विस्तारित काउन्टर तथा ७५ वटा एटिएम मार्फत बैङ्किङ सेवा उपलब्ध गराउँदै आइरहेको छ ।