Sansar News
काठमाडौँ । नेपाल राष्ट्र बैैंकले सार्वजनिक गरेको देशको वर्तमान आर्थिक तथा वित्तीय स्थिति प्रतिवेदन अनुसार नेपालको विदेशी विनिमय सञ्चिति करिब २१ खर्बको नजिक रहेको छ ।
बैंकले सार्वजनिक गरेको प्रतिवेदन अनुसरा २०८१ असार मसान्तमा २० खर्ब ४१ अर्ब १० करोड बराबरको विदेशी विनिमय सञ्चिति भएको थियो । साउन महिनामा २.५ प्रतिशतले वृद्धि भई २० खर्ब ९२ अर्ब २२ करोड पुगेको हो ।
अमेरिकी डलरमा यस्तो सञ्चिति असार मसान्तमा १५ अर्ब २७ करोड रहेकोमा साउन मसान्तमा २.० प्रतिशतले वृद्धि भई १५ अर्ब ५८ करोड पुगेको छ ।
कुल विदेशी विनिमय सञ्चितिमध्ये नेपाल राष्ट्र बैंकमा रहेको सञ्चिति २०८१ असार मसान्तमा रु.१८ खर्ब ४८ अर्ब ५५ करोड रहेकोको थियो । साउन मसान्तमा १.९ प्रतिशतले वृद्धि भई १८ खर्ब ८३ अर्ब ४२ करोड पुगेको छ ।
बैंक तथा वित्तीय संस्था (नेपाल राष्ट्र बैंकबाहेक) सँग रहेको विदेशी विनिमय सञ्चिति २०८१ असार मसान्तमा १ खर्ब ९२ अर्ब ५५ करोड रहेकोमा २०८१ साउन मसान्तमा ८.४ प्रतिशतले वद्धि भई रु.२ खर्ब ८ अर्ब ७९ करोड कायम भएको छ ।
वि.सं.२०८१ असोज १० बिहीवार १५:२५ मा प्रकाशित
