Sansar News
काठमाडौँ । चालु आर्थिक वर्षको पहिलो महिना अर्थात साउन महिनामा १ खर्ब ३६ अर्ब ९३ करोड रेमिट्यान्स नेपाल भित्रिएको छ ।
नेपाल राष्ट्र बैंकले विहिबार सार्वजानिक गरेको तथ्याङ्क अनुसार गत वर्षको तुलनामा १८ प्रतिशत बढी रेमिट्यान्स भित्रिएको हो ।
अघिल्लो वर्षको सोही अवधिमा विप्रेषण आप्रवाह २२.८ प्रतिशतले बढेको थियो । अमेरिकी डलरमा विप्रेषण आप्रवाह १ अर्ब २ करोड पुगेको छ ।
समीक्षा अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत-नयाँ) लिने नेपालीको संख्या ३६ हजार ९ सय २८ पुगेको छ भने पुनः श्रम स्वीकृति लिनेको संख्या २२ हजार ६ सय ४७ जना रहेका छन् ।
वि.सं.२०८१ असोज १० बिहीवार १४:४५ मा प्रकाशित
