Sansar News
कैलाली । डडेलधुरामा एक बालिकाको शव भेटिएको छ । अमरगढी नगरपालिका–७ पोखरा बजारमा १४ वर्षीया आरती भट्टराईको शव फेला परेको जिल्ला प्रहरी कार्यालय डडेलधुराका सूचना अधिकारी प्रहरी निरीक्षक उपेन्द्र बमले बताए । आरती त्यही ठाउँकी हुन् ।
गयराति ९ बजेपछि प्लास्टिकको बोरामा राखेर शव फ्याँकेको खुल्न आएको प्रहरीले बताएको छ । बलात्कारपछि हत्या गरेर शव फ्याँकिएको आशंका मृतकका आफन्तले गरेका छन् । स्थानीयले शव रहेको राति सूचना दिएको र आज बिहान डीएसपी सुगन्ध श्रेष्ठको टोली घटनास्थलमा खटिएको प्रहरीले विज्ञप्ति निकालेर जनाएको छ ।
सो क्रममा अमरगढी–७ पोखरा बस्ने ५८ वर्षीय टेक भण्डारीको म. १ प १४५४ नम्बरको मोटरसाइकल घटनास्थलनजिकै नालामा फालेको अवस्थमा भेटिएको र निज भण्डारीलाई पक्राउ गरिएको छ । प्रहरीले आज बिहान शव उठाएर पोस्टमर्टमका लागि डडेलधुरा अस्पताल पठाएको जनाएको छ ।
वि.सं.२०८१ असोज २६ शनिवार ११:५५ मा प्रकाशित
