Sansar News
काठमाडौँ । प्रधानमन्त्री केपी शर्मा ओलीले माओवादीले अझै धम्काएको भरमा खाने गरेको आरोप लगाएका छन् । गैरआवासीय नेपालीहरूको वार्षिक साधारणसभालाई सम्बोधन गर्दै प्रधानमन्त्रीले हतियार बिसाउन कसरी लगाउनुपर्छ भन्ने आफूलाई थाहा भएको बताए ।
शनिवार भृकुटीमण्डप प्रदर्शनी मार्गमा नेकपा माओवादी केन्द्रद्वारा आयोजित ‘खबरदारी सभा’लाई माओवादी अध्यक्ष प्रचण्डले दिएको अभिव्यक्तिलाई लक्षित गर्दै प्रधानमन्त्री ओलीले यस्तो जवाफ फर्काएका हुन् ।
‘हतियार कसरी बिसाउन लगाउनुपर्छ भन्ने हामीलाई थाहा छ । हामी चलाउन त चलाउँदैनौ तर, बिसाउन लगाउन जानेका छौँ’, प्रधानमन्त्रीले भने, ‘हिजो एक जना उफ्री उफ्री भाषण गर्दै थिए, हतियार बिसाएको मात्र हो भ्रम नरहोस्, चलाउन बिर्सेको छैन रे’, प्रधानमन्त्रीले त्यस्तै हुन नहुने बताए ।
वि.सं.२०८१ कात्तिक ११ आइतवार १२:०६ मा प्रकाशित
