हामी सबैकाे संसारन्यूज

काठमाडौँ । स्थानीय बजारमा सुनको मूल्यले नयाँ रेकर्ड ब्रेक गर्दै आईरहेको छ । बुधबारको दिन सुनको मूल्य प्रतितोला दुई हजार २ सय रुपैयाँले बढेको छ भने चाँदी तोलामा १५ रुपैयाँले बढेको हो ।

नेपाल सुन चाँदी व्यवसायी महासंघका अनुसार यसदिन छापावाला सुन प्रतितोला एक लाख ७० हजार ७ सय रुपैयाँमा कारोबार भइरहेको छ भने मंगलबार छापावाला सुन प्रतितोला एक लाख ६८ हजार ५ सय रुपैयाँमा कारोबार भएको थियो ।

आज तोलामा दुई हजार २ सय रुपैयाँले बढेर मंगलबार कायम सुनको मूल्यलाई ब्रेक गर्दै नयाँ उचाई कायम गरेको हो ।

यस दिन चाँदीको मूल्य तोलामा १५ रुपैयाँले बढेको छ । बुधबारको बजारमा चाँदी प्रतितोला दुई हजार १ सय २० रुपैयाँ कारोबार भईरहेको छ भने मंगलबार बजारमा चाँदी प्रतितोला दुई हजार १ सय ५ रुपैयाँमा खरिदबिक्री भएको थियो ।