हामी सबैकाे संसारन्यूज

हेटौडा । मानिसहरुले नेपालमा पनि जन्मदिन भब्यताका साथ मनाउने गर्छन । आ आफनो गच्छे अनुसार तारे होटेलदेखी पिढी र मझेरीसम्म ठुला साना खर्च गरेर जन्मउत्सव मनाउने परंपरा बढेको छ । सामाजिक सोच राख्नेहरुले कसैले बृद्धाश्रममा खाना दिएर कसैले कपडा बितरण गरेर र कसैले अस्पतालमा बिरामी कुरुवालाई फलफुल बितरण गरेकै छन अनि जेलका कैदीलाई बाख्राको मासु दिईएको पनि होला तर सहिद परिवारलाई सिंगै र जिउदै  बाख्रा बितरण गरेर जन्मदिन मनाएको घटना संभवत पहिलो हो ।

मकवानपुरका एक माओवादी नेताले जन्मदिन मनाउने यस्तो नया शन्देश संप्रेषण गरेका हुन । पुर्व जनमुक्ति सेनाको बटालियन कमाण्डर र हाल नेकपा (माओवादी केन्द्र ) बिशेष प्रदेशको उपाध्यक्ष समेत रहेका प्रकाशचन्द्र पाण्डे ‘प्रलोक’ ले मकवानपुरको थाहा नगरपालिकाका शहिद किरण कार्कीका बुवा देबिलाल कार्कीलाई एउटा बाख्रा किन्न रु ५१५५ रुपैयाँ र भिमफेदीका शहिद मिना कुमारी मोक्तानका दाजु फुलमान मोक्तानलाई भिमफेदी पार्टी अध्यक्ष बद्री बहादुर स्याङ्तान मार्फत बाख्रा किन्न रु ५१५५ हस्तान्तरण गरेका छन । उनले आफुसंग श्रोत साधन भएमा यो कार्य सहिद सप्ताह , बलिदान दिवस, जनयुद्ध दिवस तथा शहिदहरुको सम्झनाका दिन आमूल परिवर्तनको लागि जीवन उत्सर्ग गर्नु हुने महान सहिद, घाईते अपांग, बेपत्ता परिवारजनहरुको घरमा निरन्तर प्रयत्न जारी राख्ने बताएका छन ।

ब्यबशायिक उत्पादन बिना देशको समुद्धि नहुने अनुभुति संगालेका पाण्डे आफु पनि उत्पादनजन्य क्षेत्रमा काम गदै आएका छन । ब्यवस्था परिवर्तन भएको तर अवस्था परिवर्तन नभएको कुरालाई गहिराईमै हृदयंगम गरेका पाण्डेको यो अभ्यास उत्पादन क्रान्तितर्फको बिम्ब पनि हो ।