हामी सबैकाे संसारन्यूज

काठमाडौँ । पर्वतको पैयुँ गाउँपालिका–४, हटिया बजार स्थित हुवास बहुमुखी क्याम्पसलाई आर्थिक सहयोग प्राप्त भएको छ ।

क्याम्पसको शैक्षिक उन्नतिका लागि हातेमालो चोक निवासी यज्ञ प्रसादका छोरा अर्जुन किशोर न्यौपानेले एक लाख पाँच सय सहयोग गरेका हुन् ।

न्यौपानेले एक कार्यक्रमकारबिच क्याम्पस प्रमुख देवीप्रसाद काफ्ले र सञ्चालक समितिका अध्यक्ष टेक प्रसाद श्रेष्ठले सहयोग रकमको हस्तान्तरण गरेका हुन् ।

कार्यक्रममा क्याम्पस सञ्चालक समितिका अध्यक्ष, क्याम्पस प्रमुख, सञ्चालक समितिका  पदाधिकारीहरू, पूर्व अध्यक्ष, निवर्तमान अध्यक्ष र सामाजिक व्यक्तित्व अर्जुन किशोर न्यौपाने लगायतको उपस्थिति थियो ।

कार्यक्रममा सहयोगीदातालाई फुलमाला, खादा, दोसल्ला र अबिर लगाई सम्मान गरिएको थियो । क्याम्पस प्रमुख देवी प्रसाद काफ्लले सहयोगीदातालाई धन्यवाद दिए भने सहयोगीदाता अर्जुन किशोर न्यौपानेले निरन्तर सहयोग गर्ने प्रतिबद्धता जनाए ।