Sansar News
काठमाडौं । सानिमा जिआईसी इन्स्योरेन्स लिमिटेडले हकप्रद शेयर निष्कासन गर्ने भएको छ । इन्स्योरेन्सले हाल कायम चुक्ता पूँजीको २५ प्रतिशत शेयर निष्कासन गर्ने भएको हो ।
इन्स्योरेन्सले १०ः२.५ को अनुपातमा ५० लाख कित्ता हकप्रद शेयर निष्कासन गर्न सेबोनमा निवेदन दिएको छ ।
सेबोनबाट स्वीकृति पाएपछि कम्पनीले प्रतिकित्ता १०० रुपैयाँका दरले ५० करोड रुपैयाँ बराबरको ५० लाख कित्ता हकप्रद शेयर निष्काशन गर्ने छ ।
हाल कम्पनीको चुक्ता पूँजी २ अर्ब रुपैयाँ छ । हकप्रद शेयर निष्कासन र बाँडफाँड पछि कम्पनीको चुक्ता पूँजी २ अर्ब ५० करोड रुपैयाँ पुग्नेछ । कम्पनीको बिक्री प्रबन्धकमा सिटिजन्स क्यापिटल लिमिटेड रहेको छ ।
वि.सं.२०८१ मंसिर १० सोमवार १०:३१ मा प्रकाशित
