हामी सबैकाे संसारन्यूज

काठमाडौं । नेपालको पहिलो बैंक नेपाल बैंक लिमिटेड र सिद्धि पोलीप्याथ ल्याब प्रा.लि.बीच सम्झौता भएको छ । नेपाल बैंकका कर्मचारीहरू एवं ग्राहकहरूलाई काठमाडांैंको डिल्लीबजार स्थित सिद्धि पोली प्याथ ल्याब प्रा.लि.द्वारा प्रदान गरिने विभिन्न सेवाहरूमा लाग्ने शुल्कमा बिशेष छुट प्रदान गर्ने सम्झौतामा हस्ताक्षर भएको हो ।

नेपाल बैंक र सिद्धि पोली प्याथ ल्याबबिच बुधवार भएको सम्झौता बमोजिम नेपाल बैंकमा कार्यरत कर्मचारीहरू एवं ग्राहकहरूलाई ल्याबले प्रदान गर्ने विभिन्न सेवाहरूमा लाग्ने शुल्कमा १० प्रतिशतसम्म छुट हुने व्यवस्था गरिएको बैंकले जनाएको छ ।

उक्त सम्झौतापत्रमा नेपाल बैंकको तर्फबाट सहायक प्रमुख कार्यकारी अधिकृत प्रकाश कुमार अधिकारी र सिद्धि पोली प्याथ ल्याबको तर्फबाट प्रमुख वित्त अधिकृतसुजन प्रधानले हस्ताक्षर गरेका थिए ।

सम्झौता अनुसार नेपाल बैंकमा कार्यरत कर्मचारीहरू र बैंकमा खाता रहेका ग्राहकहरूले क्लिनिकबाट प्रदान गरिने बायोकेमेस्ट्री, हेमाटोलोजी, इन्डोक्रनोलोजी, माइक्रोबायोलोजी, इन्फेक्सन, डिजिज्, हेपाटाइटिस, एचआइभी, टर्च प्यानलस्, सेरोलोजी, ओन्कोलोजी, इसीजी, इसीएचओ टेस्ट, डिजिटल एक्स–रे, अलट्रासाउण्डजस्ता स्वास्थ्य सेवाबाट लाभान्वित हुन सक्ने बैंकले जनाएको छ ।