हामी सबैकाे संसारन्यूज

सुनसरी । भोक्राहा नरसिंह गाउँपालिका–५ टपराटोलबाट अवैध लागूऔषध गाँजा करिब ५८ किलो ३ सय ग्राम सहित धरान उपमहानगरपालिका–१५ बस्ने २१ वर्षीय सनिल राईलाई सोमबार बिहान प्रहरीले पक्राउ गरेको छ ।

प्रहरी चौकी चिरौलीचोकबाट खटिएको प्रहरीलाई देख्नासाथ ईनरूवाबाट लौकहीतर्फ जाँदै गरेको हाल नम्बर नखुलेको मोटरसाइकलमा सवार २ जना व्यक्तिहरू भाग्न खोज्दा मोटरसाइकलमा सवार राईलाई उक्त परिमाणको गाँजा सहित पक्राउ गरको हो ।

प्रहरीले मोटरसाइकल सहित फरार भएका चालकको खोजी गर्नुका साथै यस सम्बन्धमा आवश्यक अनुसन्धान गरिरहेको छ ।

यसैगरी चन्द्रागिरी नगरपालिका–२ नागढुङ्गाबाट अवैध लागूऔषध ब्राउनसुगर जस्तो देखिने पदार्थ ३ ग्राम सहित इलाम माई नगरपालिका–५ बस्ने ३१ वर्षीय संजय नेम्वाङलाई सोमबार बिहान प्रहरीले पक्राउ गरेको छ ।

लागूऔषध नियन्त्रण ब्यूरो शाखा कार्यालय नागढुङ्गा र प्रहरी प्रभाग नागढुङ्गाबाट खटिएको प्रहरीले इलामबाट काठमाडौंतर्फ आउँदै गरेको प्र.१–०१–००१ ख ४३७१ नम्बरको बसलाई जाँच गर्ने क्रममा बसमा सवार उनलाई उक्त पदार्थ सहित फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।