Sansar News
काठमाडौँ । आइतबार सम्पन्न किर्तिपुर नगरपालिकाको उपनिर्वाचनमा दोस्रो स्थानमा आउन सफल भएका प्रा.डा शिवशरण महर्जनले आफूले हारे पनि आगामी दिनमा पनि उत्तिकै सक्रिय रुपमा नगरको सेवामा लागि पर्ने बताएका छन् ।
किर्तिपुर नगरपालिकाका मतदातालाई विशेष धन्यवाद दिँदै उनले किर्तिपुरवासीको हितका लागि विगतमा जस्तै भोलिका दिनमा पनि उस्तै सक्रियता रहने प्रतिबद्धता व्यक्त गरेका छन् ।
निर्वाचनको परिणामलाई स्वीकार गर्दै प्रा.डा महर्जनले भनेका छन् ‘निर्वाचनमा हार(जीत स्वभाविक कुरा हो, यसलाई स–सम्मान स्वीकार गर्दछु’ ।‘कीर्तिपुरवासीको हितका लागि शिक्षा, खानेपानी, सडक, यातायात, सहकारी लगायतका विभिन्न क्षेत्रमा यहाँहरुकै साथबाट गरेका कार्यहरु यहाँहरुलाई विदितनै छ र भोलिका दिनमा पनि उस्तै सक्रियता रहने प्रतिबद्धता व्यक्त गर्दछु ।’
किर्तिपुर नगरपालिकाको मेयरमा निर्वाचित भएका कृष्णमान डंगोललाई बधाई दिँदै भनेका ‘नवनिर्वाचित नगर प्रमुख कृष्णमान डङ्गोलजी लाई हार्दिक बधाई ।’
सामाजिक सञ्जालमार्फत उनले भनेका छन् :
वि.सं.२०८१ मंसिर १८ मंगलवार १३:०१ मा प्रकाशित
