हामी सबैकाे संसारन्यूज

काठमाडौँ । प्रतिनिधिसभाको सचिवमा हर्कराज राई नियुक्त भएका छन् । मंगलबार राष्ट्रपति रामचन्द्र पौडेलले प्रतिनिधिसभाको सचिवमा झापाका राईलाई नियुक्त गरेका हुन् ।

सुरेश अधिकारीले मंसिर ९ गते राजीनामा दिएपछि उक्त पद रिक्त थियो । नेपालको संविधानको धारा, १०६ को उपधारा (१) बमोजिम सभामुख देवराज घिमिरेले सो पदमा राईको नाम सिफारिस गरेका थिए ।

राष्ट्रपति रामचन्द्र पौडेलले ‘झापा जिल्ला निवासी हर्कराज राईलाई संघीय संसद्, प्रतिनिधिसभाको सचिव पदमा नियुक्त गर्नुभएको छ,’ राष्ट्रपति कार्यालयका प्रवक्ता शैलजा रेग्मी भट्टराईले जारी गरेको विज्ञप्तिमा भनिएको छ ।

राई सार्वजनिक प्रशासनमा एमफिल, राजनीति शास्त्र तथा ग्रामीण विकासमा स्नातकोत्तर र अंग्रेजी साहित्य तथा पत्रकारितामा स्नातक गरेका छन् ।