Sansar News
काठमाडौं । आज सुनको मूल्य प्रतितोला एक हजार चार सय रुपैयाँले बढेको छ । अन्तर्राष्ट्रिय बजारमा सुनको मूल्यवृद्धि, आन्तरिक बजारको माग र आपूर्तिबमोजिम समायोजन गर्दा मङ्गलबारको भन्दा आजको मूल्य बढेको हो ।
मङ्गलबार प्रतितोला एक लाख ४९ हजार छ सय रुपैयाँ कायम भएको सुनको मूल्य आज बुधवार बढेर प्रतितोला एक लाख ५१ हजार रुपैयाँ पुगेको नेपाल सुनचाँदी व्यवसायी महासङ्घले जनाएको छ ।
महासङ्घका अनुसार आज चाँदीको मूल्य स्थिर रहेको छ । आज चाँदी प्रतितोला एक हजार सात सय ६५ रुपैयाँमा किनबेच भइरहेको महासङ्घले जनाएको छ ।
वि.सं.२०८१ पुस १७ बुधवार ११:४३ मा प्रकाशित
