Sansar News
काठमाडौँ । कीर्तिपुरमा हाइलक्स गाडी दुर्घटना भएको छ । बुधबार बिहान करिब सवा ८ बजे शिक्षा तथा मानव स्रोत केन्द्रको लु ३ फ ३२५ नम्बरको गाडी दुर्घटनामा परेको हो ।
गाडी सडकबाट करिब एक सय मिटर तल खसेको छ । उक्त गाडी जनक खत्रीले चलाएका थिए । प्रहरीका अनुसार दुर्घटनामा चालकसहित चारजना घाइते भएका छन् ।
घाइते हनेहरुमा कीर्तिपुरकी ४७ वर्षीया सम्झना देवकोटा, मध्यपुर ठिमी बस्ने ४७ वर्षीय विजय सत्याल र रुकुम घर भई काठमाडौं बस्ने ३३ वर्षीय शंकर बुढाथोकी छन् । घाइतेहरुको अवस्था सामान्य रहेको प्रहरीको भनाई छ ।
वि.सं.२०८१ पुस २४ बुधवार १०:५६ मा प्रकाशित
