Sansar News
काठमाडौं । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ र नेकपा (एकीकृत समाजवादी)का अध्यक्ष माधव नेपालबीच भेटवार्ता भएको छ ।
एक नेताका अनुसार सिंहदरबारमा प्रचण्ड र नेपालबीच छलफल चलिरहँदा राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देन पनि सहभागी भएका थिए ।
बैठकमा लिङ्देन प्रवेश भएपछि अशोक राई नेतृत्वको जसपाका नेता राजेन्द्र श्रेष्ठ भने बाहिरिएका छन् । सो छलफलमा पछिल्ला समसामयिक राजनीतिक घटनाक्रमबारे आगामी दिनमा समान धारणा बनाउनमा वार्ता केन्द्रित रहेको जनाइएको छ । विपक्षी दलहरुले संसदको अधिवेशन बोलाउन सरकारमाथि दबाब बढाउँने तयारी गरेका छन् ।
वि.सं.२०८१ पुस २६ शुक्रवार १६:५१ मा प्रकाशित
