Sansar News
काठमाडौँ । काठमाडौँको कमलपोखरीमा ग्याँस सिलिन्डर विस्फोट हुँदा १४ जना घाइते भएका छन् । बिहीबार बिहान पौने ९ बजेको समयमा सानदार मःम पसलमा ग्याँस सिलिन्डर विस्फोट पड्किँदा १४ जना घाइते भएका छन् । घाइतेमध्ये ११ जनालाई कीर्तिपुरस्थित बर्न अस्पतालमा लगिएको छ भने तीन जनाको अवस्था सामान्य छ ।
काठमाडौँ उपत्यका प्रहरी कार्यालयका अनुसार घाइते हुनेहरू सोही पसलका कामदार रहेका छन् । घाइतेमध्ये एक जनाको अवस्था गम्भीर छ । उदयपुरका २४ वर्षीय सन्जोग मगर गम्भीर घाइते भएको प्रहरीले जनाएको छ ।
सिलिन्डर विस्फोटपछि घरको सिलिङ भत्किएर खसेको छ । त्यहाँ प्रहरीले खोजी कार्य जारी राखेको जनाएको छ । घटनास्थलमा नेपाल प्रहरीको विपद् व्यवस्थापन टोली र माली गाउँ प्रहरीको टोली खटिएको छ ।
वि.सं.२०८१ माघ २४ बिहीवार १०:५४ मा प्रकाशित
