Sansar News
देवचुली । राष्ट्रिय क्षयरोग नियन्त्रण केन्द्र र गण्डकी प्रादेशिक अस्पताल पोखराको आयोजनामा देवचुलीमा क्षयरोगको निर्मुलको लागि अभिमुखीकरण तालिम सम्पन्न भएको छ । देवचुली नगरपालिका १५ स्थित वडा कार्यालयमा आज बिहान क्षयरोग (छाती रोग)को एक्सरे प्रबिधि द्वारा निशुल्क चेक जाँच गर्ने एक दिने अभिमुखीकरण तालिम सम्पन्न भएको हो ।
देवचुली नगरपालिकालाई क्षयरोग मुक्त नगरपालिका घोषणा गर्नका लागि यो कार्यक्रम सन्चालन गरिएको नगरपालिकाले जनाएको हो । सो कार्यक्रमको प्रमुख अतिथि प्रादेशिक क्षयरोग केन्द्र पोखराका फोकल पर्सन राजेन्द्र रानाभाटको प्रमुख आतिथ्यतमा सम्पन्न गरिएको कार्यक्रममा देवचुली नगरपालिकाका स्वास्थय शाखा प्रमुख रामकुमार श्रेष्ठले क्षयरोगको बारेमा प्रोजेक्टरको माध्यमबाट जानकारी दिएका थिए ।
सो कार्यक्रममा १५ वडाका जनप्रतिनिधि, टोल विकास सस्थाका प्रतिनिधि स्थानीय आमा समूह, स्वास्थय स्वयंसेविका पत्रकारहरु उपस्थिती रहेको थियो । सो कार्यक्रमको अध्यक्षता कार्यवाहक वडा अध्यक्ष प्रेम प्रसाद खनालले गरेका थिए भने फागुन ११ गते हुने निशुल्क स्वास्थ्य शिविरमा सबै जना लाई उपस्थित हुन र लाभ लिन समेत अनुरोध गरिएको थियो ।
वि.सं.२०८१ फागुन ८ बिहीवार १३:२२ मा प्रकाशित
