हामी सबैकाे संसारन्यूज

कपिलवस्तु । कपिलवस्तु नगरपालिका–६ सिद्धिपुरस्थित भित्री सडकखण्डमा तीन जना सवार मोटरसाइकल दुर्घटना भएको छ । दुर्घटनामा पछाडि सवार एक जनाको मृत्यु भएको छ भने अर्का एक जना गम्भीर घाइते भएका छन् ।

दुर्घटनामा मोटरसाइकल चालक कपिलबस्तु नगरपालिका ६ गोवरी बस्ने २५ वर्षीय अक्षय श्रीवास्तव तथा पछाडि सवार सोही स्थानका २५ वर्षीय मुरेली यादव र २९ वर्षीय प्रतिक जैसवाल सवार रहेकोमा पछाडि सवार मुरेली यादव र प्रतिक जैसवाल घाइते भएका थिए । घाइते दुवै जनालाई जिल्ला अस्पताल कपिलबस्तु लगिएकोमा चिकित्सकले साँझ ५;३५ बजे मुरेली यादवलाई मृत घोषणा गरेका हुन् ।

अर्का घाइते प्रतिक जैसवालको अवस्था गम्भीर रहेकाले थप उपचारका लागि साँझ ५:५५ बजे भैरहवा रिफर गरिएको प्रहरीले जनाएको छ ।

शिवपुराबाट जगदिशपुरतर्फ जाँदै गरेको लु.प्र. ०१–००३ प १५६१ नम्बरको पल्सर मोटरसाइकल अनियन्त्रित भई दुर्घटना भएको हो । प्रहरीका अनुसार दुर्घटनामा संलग्न मोटरसाइकल नियन्त्रणमा रहेको छ भने चालक अक्षय श्रीवास्तव फरार रहेकाले उनको खोजतलास तथा घटनाबारे थप अनुसन्धान भइरहेको छ ।