हामी सबैकाे संसारन्यूज

काठमाडौँ । रारातालको किनारमा अवस्थित एक होटेलमा आगलागी भएको छ । होटलमा आगोलागी हुँदा चारवटा भवन जलेर नष्ट भएका छन् । गएराति रारा किनारको डाँफे होटेलको भान्साबाट शुरु भएको आगोले त्यहाँ रहेका ग्यास सिलिण्डर पड्किँदा अन्य तीन भवनमा समेत क्षति पुगेको छ ।

नेपाली सेना, कर्मचारी, नेपाल प्रहरी र सशस्त्र प्रहरी बलले आज बिहान आगो नियन्त्रणमा लिइएको थियो । प्रहरी, सेना र सशस्त्र प्रहरीले होटलमा रहेका पाहुनालाई तत्काल उद्धार गरी नजिकै रहेका होटल, सेनाको ब्यारेक, निकुञ्ज कार्यालयमा सारिएको जिल्ला प्रहरी कार्यालय मुगुले जनाएको छ । आगलागीबाट भएको क्षतिको विवरण आउन बाँकी छ ।