Sansar News
डोटी । सिकार खेल्न जंगलमा गएका एक युवाको गोली लागेर मृत्यु भएको छ । बडीकेदार गाउँपालिका–२ बर्छैनका २४ वर्षीय नरेश सार्कीको मृत्यु भएको हो ।
प्रहरीका अनुसार बिहीबार दिउँसो बडीकेदार गाउँपालिका–१ बेडुपाटा खोलाकिनारमा सार्की साथीहरुसँग सिकार खेल्न गएका थिए । बडीकेदार गाउँपालिका–१ रजेडका कमलसिंह खड्काले बोकेको भरुवा बन्दुक पड्किँदा दायाँ छातीमा गोली लागेर सार्कीको घटनास्थलमै मृत्यु भएको थियो ।
बन्दुक बोक्ने खड्का, रजेडका खेम खड्का, तारासिंह खड्का, सोही गाउँपालिका-२ तेजेन्द्र भाट, अम्मर शाह, चक्र भाट, सुनिल बम, गणेश घर्तीमगर, मानबहादुर शाह र गर्भुजाका जुलेश नामजाली मगरलाई पक्राउ गरि प्रहरीले अनुसन्धान गरेको छ ।
वि.सं.२०८२ वैशाख ५ शुक्रवार १०:४२ मा प्रकाशित
