Sansar News
काठमाडौं । आज नेपाली बजारमा सुनको मूल्य बढेको छ । सुन प्रतितोला दुई सय रुपैयाँले बढेको हो ।
नेपाल सुनचाँदी व्यवसायी महासङ्घका अनुसार बिहीवार आज छापावाल सुन प्रतितोला एक लाख ९० हजार छ सय रुपैयाँमा कारोबार भइरहेको छ । बुधबार सुन तोलाको एक लाख ९० हजार चार सय रुपैयाँमा कारोबार भएको थियो ।
त्यसैगरी, आज चाँदीको मूल्य पनि बढेको छ । आज चाँदी ४५ रुपैयाँले बढेको हो । महासंघका अनुसार आज चाँदी प्रतितोला दुई हजार १० रुपैयाँमा कारोबार भइरहेको छ । बुधबार चाँदी प्रतितोला एक हजार नौ सय ६५ रुपैयाँमा कारोबार भएको थियो ।
वि.सं.२०८२ वैशाख ११ बिहीवार १३:०६ मा प्रकाशित
