हामी सबैकाे संसारन्यूज

काठमाडौँ । महिलाले लगाउने भित्रि वस्त्र ‘ब्रा’ले स्तनको आकारलाई सन्तुलनमा राख्ने, सहज गराउने मात्र नभई शरीर सुगठित देखिन्छ । तर, एउटै ब्रा लामो समयसम्म भने प्रयोग गर्न नहुने विज्ञहरुले बताउने गरेका छन् ।

ब्राको म्याद सकिन्छ ?

ब्राको एक्सपाइरी डेट हुने हुँदा एउटै ब्रा लामो समय सम्म प्रयोग गर्नु हुँदैन । किनकि, ब्राको गुणस्तर बिस्तारै खस्कदै जान्छ । ब्रा खुकुलो हुँदै जाने, कपडा मक्किदै जाने भएमा स्तन सन्तुलित हुन्छ भने आकार समेत बिग्रन सक्छ ।

छालामा समस्या

मक्किएको ब्राले छालामा धर्सा, रातो पार्ने र छालालाई नाजुक बनाउन सक्छ । यो धुँदा राम्रोसँग सफा पनि हुँदैन । जसले ब्रामा ब्याक्टेरिया जम्मा हुने गर्दछ । यसो भएमा छाला सम्बन्धि समस्या हुन्छ ।

रक्तसंचारमा समस्या

पुरानो ब्रा खुकुलोे हुँदा पनि लाइरहनु भएको छ भने यसले रक्तसंचार राम्रोसँग हुन पाउँदैन । पुरानो ब्रामा कडापन बढी हुने भएकाले लगाएको ठाउँमा डाम बस्न सक्छ । यस्तो अवस्थामा नयाँ ब्रा लगाउनुपर्छ ।