Sansar News
काठमाडौं । एभरेष्ट बैंक लिमिटेडले आफ्नो शाखा विस्तार गर्नेक्रममा सिन्धुलीको कमलामाई नगरपालिका– ६ मा आफ्नो १३२औँ शाखा सञ्चालनमा ल्याएको छ ।
यो नयाँ शाखासँगै बागमती प्रदेशमा एभरेष्ट बैंकको शाखा संख्या ४७ पुगेको छ । बैंकले यस शाखाको स्थापनाले सिन्धुलीका बासिन्दाहरूलाई आधुनिक, सरल र सहज बैंकिङ सेवा प्राप्त हुने विश्वास व्यक्त गरेको छ ।
कमलामाई नगरपालिकाका मेयर उपेन्द्र कुमार पोखरेल र एभरेष्ट बैंकका सञ्चालक समितिका अध्यक्ष डा. बालगोपाल वैद्यले संयुक्त रूपमा शाखाको उद्घाटन गरे ।
उक्त समारोहमा कमलामाई नगरपालिका वडा नं. ६ का वडाध्यक्ष उज्वल कुमार थापा, सिन्धुली उद्योग वाणिज्य संघका वरिष्ठ उपाध्यक्ष देव नारायण श्रेष्ठ, प्रहरी नायव उपरीक्षक सूर्य प्रकाश सुबेदी, बैंकका प्रमुख कार्यकारी अधिकृत सुदेश खालिङलगायत स्थानीय बासिन्दा र बैंकका कर्मचारीहरूको उपस्थिति थियो ।
उद्घाटन समारोहमा बोल्दै कमलामाई नगरपालिकाका मेयर पोखरेलले बैंकको उपस्थितिले यस क्षेत्रमा गुणस्तरीय सेवा, सुविधा र सन्तुलित लगानी अभिवृद्धि हुने विश्वास व्यक्त गरे ।
त्यसैगरी, एभरेष्ट बैंकका सञ्चालक समितिका अध्यक्ष डा. वैद्यले सिन्धुलीमा बैंकको शाखा सञ्चालनमा आएसँगै यहाँका बासिन्दाहरूलाई सबल, सरल, उत्कृष्ट, अत्याधुनिक र गुणस्तरीय बैंकिङ सेवा प्रदान गर्न बैंक प्रतिबद्ध रहेको बताए ।
वि.सं.२०८२ जेठ ६ मंगलवार १२:१३ मा प्रकाशित
