हामी सबैकाे संसारन्यूज

देवचुली । बाली तथा संरक्षण प्रयोगशाला गण्डकी प्रदेशको सहकार्य र देवचुली नगरपालिकाको समन्वयमा १८ हप्ते आइपिएम कार्यक्रम महाराज सामुदायिक बन उपभोक्ताको सभा हलमा समपन्न भएको छ । बाली सरक्षण प्रयोगशाला पोखराको आयोजनमा भएको पाठशालामा अर्गानिक लहरे बालीको लगाइएको थियो ।

पाठशाला समापन कार्यक्रममा वडा १० का अध्यक्ष रेप्ती कुमार घर्तीले कृषिका लागि वडामा रकम माग गर्न आए सजिलो प्रबिधिबाट गर्ने र कृषिलाई प्राथमिकता दिने बताए । कृषि प्रचार अधिकृत विश्वास काफ्लेले नमुना काम गरेको भन्दै प्रशंसा गरे । देवचुली नगरपालिका कृषि शाखाका नगेन्द्र भण्डारीले माटो सुहाउँदो कृषिलाई पहिलो प्राथमिकता दिने र आगामी कार्यक्रममा आफुले समन्वय गर्ने र बताए ।

कृषि विकास शाखा र प्रगतिनगर खानेपानी तथा सरसफाइ तथा सरसफाइ उपभोक्ता सस्थाका सचिव बिष्णु न्यौपानेले कृर्षिबाट मात्र मुलुकको समृद्धि हुने बताए । कार्यक्रममा आर्थिक प्रतिबेदन सस्थाका कोशाद्ययक्ष श्याम कृष्ण आचार्यले गरेका थिए ।

आइपिएम पाठशालाका प्रशिक्षक जिन्दगी जिसिले प्राङ्गारिक र जैविक मललाई उत्पादन गरी कृषिलाई उच्च प्राथमिकता दिने बताए । प्रगति आइपिएमका अध्यक्ष चेत नारायण आचार्यले आफुहरुले अवसर पाए विशादी रहित तरकारी उत्पादन गरेर आत्मनिर्भर बन्ने दाबी गरे ।कार्यक्रममा सहभागीले कृषि सम्बन्धि गीत, गजल, कविता र नाटक प्रस्तुत गरेका थिए ।