Logo
५ माघ २०७८, बुधबार
     Wed Jan 19 2022
E-paper
  English Edition
   Unicode
Logo

दुई बालिकाको मृत्यु रहस्यमय



२१ जेठ,रत्ननगर (चितवन)  । दक्षिण चितवनको माडीको रामराज्यपुरस्थित पोखरीमा डुबेर दुई बालिकाको मृत्यु भएको भनिएको घटना रहस्यमय बनेको छ ।

कर्तव्य गरेर उनीहरुको ज्यान गएको भन्दै माडीमा स्थानीयले आज प्रदर्शन गरेपछि घटना रहस्यमय बनेको हो । उनीहरुले घटनाको अनुसन्धान गरी दोषिलाई तत्काल कारबाही गर्नसमेत माग गरेका छन् । बालिकाको शरीरका विभिन्न ठाउँमा चोट देखिएको र रगतसमेत देखिएको भन्दै कसैले हत्या गरेको आशङ्का उनीहरुको छ ।

भरतपुरमा पनि विभिन्न १९ सङ्घसंस्थाले आज संयुक्त विज्ञप्ति जारी गरी घटनाको अनुसन्धान गरी दोषीलाई कडा कारबाहीको माग गरेका छन् ।

अधिकारकर्मी अम्बिका मुडभरीले घटनाको प्रकृति हेर्दा बलात्कारको आशङ्का रहेको भन्दै प्रहरीले यथाशक्य चाँडो दोषी पत्ता लगाई कारबाही गर्नुपर्ने बताउनुभयो ।

शनिबार साथीहरुसँग वनभोज खान गएका माडी नगरपालिका–६ रामराज्यपुरका १२ वर्षीय दिपशिखा परियार र सात वर्षीया दीपिका सुनारलाई पोखरीमा डुबेको अबस्थामा फेला पारिएको थियो । उनीहरुमध्ये दीपिकाको चितवन मेडिकल कलेजमा र दीपशिखाको स्थानीय मेडिकलमा उपचारका क्रममा शनिबार साँझ मृत्यु भएको थियो ।

अहिले मृतक बालिकाको शवपरीक्षण भए पनि प्रतिवेदन प्राप्त भइनसकेको र घटनाको अनुसन्धान भइरहेको चितवनका प्रहरी नायब उपरीक्षक दीपक श्रेष्ठले जानकारी दिनुभयो । रासस


यो खबर पढेर तपाईलाई कस्तो महसुस भयो ?

काठमाडौं । सरकारी सेवाका २२ वर्षमा एक उपसचिवले निकै तरक्की गरेको समाचार सार्वजनिक भएको

बुटवल । यातायात व्यवस्था कार्यालय सवारी चालक अनुमति पत्र रुपन्देही कार्यालयले ड्राइभिङ लाइसेन्स चालक

काठमाडौं । विभिन्न चार बैंकबाट ८० करोड रुपैयाँ ऋण निकालेर मदिरा व्यवसायी गरेको एक