Logo
२ माघ २०७८, आईतवार
     Sun Jan 16 2022
E-paper
  English Edition
   Unicode
Logo

आयोगको निर्णय सच्याउन माग



 २१ जेठ, काठमाडौँ । युवा सङ्घ नेपाल र अखिल नेपाल राष्ट्रिय स्वतन्त्र विद्यार्थी युनियनले निर्वाचन आयोगले भरतपुर महानगरपालिकाको १९ वडाको पुनःमतदान गर्न गरेको निर्णय त्रुटीपूर्ण रहेकाले सच्याउन माग गर्दै रत्नपार्कस्थित शान्तिबाटिकामा विरोध प्रदर्शन गरेका छन् ।

उक्त वडामा पुनःमतदान गरिए निर्वाचन आयोगले गरेको चुनावप्रतिको विश्वसनियता कम हुने हुँदा त्यसलाई सच्याउन माग गरिएको छ ।

युवा सङ्घ नेपालका उपाध्यक्ष रमेश पौडेलले जनताले मतदानको माध्यमबाट जनप्रतिनिधि छनोटका लागि गरेको अभिव्यक्तिलाई निष्पक्ष रुपमा लागू गर्ने काम निर्वाचन आयोगको भएकाले सो स्थानमा पुनः मतगणना गराउन आग्रह गर्नुभयो ।

युनियनका अध्यक्ष नवीना लामाले निर्वाचन आयोगले गरेको निर्णयले दीर्घकालमा गलत परम्पराको नजिर बसाल्नेमा चिन्ता व्यक्त गर्नुभयो । जुलुसमा सहभागीले जनमतको सम्मान गर्नुपर्ने, विधि र कानुनी शासनको अभ्यास गर्नुपर्ने, मानवअधिकारको प्रत्याभूति गर्नुपर्नेलगायत प्रचार सामग्री बोकेका थिए ।

यसैबीच राष्ट्रिय मानव अधिकार प्रतिष्ठानले भनपा–१९ पुनःमतदान गर्ने आयोगको निर्णयप्रति गम्भीर ध्यानाकर्षण भएको जनाएको छ ।

प्रतिष्ठानका अध्यक्ष भवानीप्रसाद खरेलले आज एक विज्ञप्ति जारी गरी आयोगले राजनीतिक प्रभावमा परेर उक्त निर्णय गरेको भन्दै असन्तुष्टी जनाउनुभएको छ ।

प्रतिष्ठानले आयोगको निर्णयले निर्वाचन पद्धति र प्रणालीमा नै दूरगामी असर गर्ने र जनताको अभिमतलाई दुरुत्साहित गर्ने भएकाले आफ्नो निर्यणमा पुनःविचार गर्न आयोगसँग आग्रह गरेको छ । रासस


यो खबर पढेर तपाईलाई कस्तो महसुस भयो ?

बुटवल । यातायात व्यवस्था कार्यालय सवारी चालक अनुमति पत्र रुपन्देही कार्यालयले ड्राइभिङ लाइसेन्स चालक

लालबहादुर ढेंगा, दुबई, युएई । राहदानी बिभागले हाल बिद्युतीय राहदानी (भ(एबककउयचत) जारी गर्ने कार्यको

काठमाडौं । विभिन्न चार बैंकबाट ८० करोड रुपैयाँ ऋण निकालेर मदिरा व्यवसायी गरेको एक

काठमाडौं । नेपाल कम्युनिष्ट पार्टी (नेकपा) का संयोजक ऋषि कट्टेललाई पार्टीको केन्द्रीय सचिवालयको बैठकले

काठमाडौं । नेपाल कम्युनिष्ट पार्टीभित्र चर्को लफडा शुरु भएको छ । नेकपा निकट एक