हामी सबैकाे संसारन्यूज

काठमाडौँ । हालै बजारमा आएको ’मास्टर्नी’ नामक गीतका शब्द र प्रस्तुतिप्रति शिक्षण पेसामा आबद्ध शिक्षकहरूले कडा आपत्ति जनाएका छन् ।

सो गीतले शिक्षक पेसाको गरिमा र ’गुरु’ शब्दको संवेदनशीलतालाई अवमूल्यन गरेको भन्दै विरोध जनाउनु भएको छ ।

शिक्षकहरूले यो गीतले शिक्षण पेसालाई नकारात्मक रूपमा प्रस्तुत गरेको र महिलाको समेत अवमूल्यन गरेको भन्दै यस्ता सामग्रीको पूर्ण रूपर्र्मा सबै शिक्षकहरुले विरोध र बहिष्कार गर्ने चेतावनी दिएका छन् ।

“गुरु केवल पेसा होइन, समाज निर्माण गर्ने जिम्मेवार नागरिक हो ”
सामाजिक सञ्जालमा आफ्नो असन्तुष्टि व्यक्त गर्दै एक शिक्षकले लेखेकी छिन, “गुरु केवल एउटा पेसा मात्रै होइन, समाज निर्माण गर्ने जिम्मेवार नागरिक हो । शिक्षकको रूपमा हामी शिक्षा ऐन, नियम, विद्यालयको अनुशासन र व्यावसायिक आचारसंहिताभित्र रहेर विद्यार्थीलाई ज्ञान, सीप, नैतिकता र जीवनमूल्य सिकाउने प्रयास गरिरहेका हुन्छौँ ।”

उहाँले थप उल्लेख गर्नुभएको छ कि गुरुको अर्थ विद्यार्थीलाई अज्ञानको अँध्यारोबाट ज्ञानको उज्यालोतर्फ डो¥याउनु हो, तर ’मास्टर्नी’ गीतको शब्द र प्रस्तुतिले शिक्षक पेसाको गरिमा र गुरु शब्दको महत्वलाई अपेक्षित सम्मान दिएको अनुभूति भएको छैन ।

कला र सिर्जनाले अभिव्यक्तिको स्वतन्त्रता राख्ने भए पनि त्यही स्वतन्त्रतासँगै समाजका सम्मानित पेसा र तिनको योगदानप्रति संवेदनशील हुनुपर्ने जिम्मेवारी पनि जोडिने धारणा शिक्षकहरूको छ ।

“समाजमा लाखौँ शिक्षकहरू आफ्नो सुविधा होइन, विद्यार्थीको भविष्यका लागि समर्पित भएर काम गरिरहेका हुन्छन्,“ स्टाटसमा भनिएको छ, “सिर्जनाले मनोरञ्जन मात्र होइन, समाजमा सकारात्मक सोच, सम्मान र जिम्मेवारीको भावना पनि फैलाओस्। गुरुको गरिमा जोगाउनु भनेको भविष्यको पुस्ताप्रतिको सम्मान जोगाउनु हो”।