हामी सबैकाे संसारन्यूज

पोर्चुगल । अनेसास पोर्चुगलको आयोजनामा रामप्रसाद पन्त (आरपी) द्वारा लिखित संस्मरणात्मक निबन्ध सङ्ग्रह अफगानिस्तानको आगो लोकार्पण भएको छ । पोर्चुगलका लागि नेपाली महामहिम राजदूत प्रकाशमणि पौडेलको प्रमुख आतिथ्यतामा कृति लोकार्पण कार्यक्रम सम्पन्न भएको हो ।

प्रमुख अतिथि राजदूत प्रकाशमणि पौडेल, बिशिस्ट अतिथि नेपाली राजदुतावास पोर्चुगलका द्धितीय सचिब रामबाबु नेपाल, कार्यक्रम अध्यक्ष सबी श्रेष्ठ र लेखक रामप्रसाद पन्त (आरपी) को हातबाट कृतिको लोकार्पण गरिएको हो ।

नेपाली राष्ट्रिय गीतबाट शुरूवात भएको कार्यक्रमको स्वागत मन्तब्य अनेसासका निवर्तमान केन्द्रीय सदस्य यादव देवकोटाले गरेका थिए । लोकार्पण कृति अफगानिस्तानको आगोमाथि अर्जुन श्रीले टिप्पणी गरेका थिए । साथै अफगानिस्तानमा भोगेको भोगाइ नै पुस्तकको मुल लेखकीय भाव रहेको लेखकले बताए ।

कार्यक्रममा नेपाली दूतावास पोर्चुगलका द्दितिय सचिब रामबाबु नेपाल, एनआरएनए आइसिसी सदस्य राजकुमार थापा, नेपाल आदिवासी जनजाति महासंघ पोर्चुगल अध्यक्ष चोपकुमार मगर, साकोस नोबेल साहित्य संस्था संस्थापक अध्यक्ष सरस्वती गौतम, नेपाल पत्रकार महासंघ युरोपका उपमहासचिव कलश खरेल लगायतले शुभकामना राखेका थिए ।

प्रवासमा भोगेको पीडालाई पुस्तकको रुपमा ल्याउनु महत्वपूर्ण रहेको भन्दै प्रमुख अतिथिले लेखकलाई धन्यवाद दिदै यति राम्रो कार्यक्रम आयोजना गरेकोमा आयोजकलाई समेत धन्यवाद दिए । अध्यक्ष सवी श्रेष्ठले कार्यक्रममा उपस्थित सम्पूर्णलाई धन्यवाद ज्ञापन गरेकी थिइन् । कार्यक्रमको संचालन अनेसास पोर्चुगलका महासचिव एन बी अन्जानले गरेका थिए ।