Sansar News
काठमाडौँ । नेपाल राष्ट्र बैंकले आज (बुधबार) एकैपटक ४० अर्ब रुपैयाँ आफूतिर खिच्ने भएको छ । बजारमा अधिकतम तरलता भएपछि राष्ट्र बैंकले ४० अर्ब रुपैयाँ आफूतिर खिच्न लागेको हो ।
बोलकबोलको माध्यामबाट ब्याजदर निर्धारण हुने छ भने २१ दिनको अवधीका लागि बैंकले निक्षेप संकलन गर्ने छ । बैंकले आउने असार ११ गते आफूमा खिचिएको रकमको साँवा तथा ब्याज भुक्तानी गर्ने छ ।
घटीमा १० करोड र बढीमा ५ करोड रुपैयाँले भाग गर्दा निःशेष आउने अंक बराबरको निक्षेप राष्ट्र बैंकमा राख्न सक्ने बैंकले जनाएको छ ।
निक्षेप संकलन उपकरणको बोलकबोलमा नेपाल राष्ट्र बैंकबाट इजाजतपत्र प्राप्त “क”, “ख” र “ग” वर्गका बैंक तथा वित्तीय संस्था मात्र सहभागी हुन पाउने छन् ।
वि.सं.२०८२ जेठ २१ बुधवार ११:४२ मा प्रकाशित
