Sansar News
काठमाडौँ । काठमाडौँ महानगरपालिकाले कक्षा ११ र १२ को छात्रवृति परीक्षाको अनलाइन आवेदन खुला गरेको छ । महानगरको शिक्षा विभागले सूचना जारी गर्दै आज (असार १८)देखि आवेदन खुला गरिएको जानकारी दिएको हो ।
आजदेखि असार २७ गते राति ११ः५९ बजेसम्म अनलाईन आवेदन दिन सकिने सूचनामा उल्लेख छ । यो आवेदन देशैभरिका विद्यार्थीले दिन सक्नेछन् ।
काठमाडौँ महानगरपालिका क्षेत्रमा सञ्चालित संस्थागत (निजी) विद्यालयहरुमा अध्ययन गर्ने १० प्रतिशत विद्यार्थीलाई महानगरपालिकाले आफैँ परीक्षा सञ्चालन गरेर छात्रवृति प्रदान गर्दै आएको छ ।
२०७९ देखि महानगरले व्यवस्थित रुपमा संस्थागत विद्यालयमा कक्षा ११ र १२ मा पढ्ने विद्यार्थीलाई छात्रवृति प्रदान गर्दै आएको छ । यो कार्यक्रमबाट हालसम्म १५ हजार बढी विद्यार्थी लाभान्वित भएका छन् ।
वि.सं.२०८२ असार १८ बुधवार १४:१८ मा प्रकाशित
