हामी सबैकाे संसारन्यूज

विश्वकै धनाढ्य इलन मस्कले अमेरिकामा नयाँ पार्टी गठन गरेका छन् ।  अमेरिकी राष्ट्रपति डोनाल्ड ट्रम्पसँग मतभेद भएको केही हप्तापछि एलोन टेस्ला र स्पेस एक्सका मालिक मस्कले शनिबार ‘अमेरिका पार्टी’ गठन गरेका हुन् सो कुराको जानकारी उनले आफ्नो सामाजिक सञ्जाल प्लेटफर्म एक्समार्फत सार्वजनिक गरेका छन् ।

उनले अमेरिकाको ‘एक दलीय प्रणाली’ लाई चुनौती दिने उद्देश्यले नयाँ राजनीतिक दल ‘अमेरिका पार्टी’  सुरु गरेको घोषणा गरेको बताएका छन् ।

मस्क र राष्ट्रपति डोनाल्ड ट्रम्पबीच कर र खर्च कटौतीसम्बन्धी कानुन ‘बिग ब्यूटीफुल बिल’ लाई लिएर चर्को बहस भएको थियो । त्यसलगत्तै मस्कले आफू ट्रम्प प्रशासनबाट बिदा भएको घोषणा गरेका थिए । विवादकै बीच अमेरिकी राष्ट्रपति डोनाल्ड ट्रम्पले कर र खर्च कटौतीसम्बन्धी कानुन प्रमाणीकरण गरेको छन् ।

‘तपाईंहरूको स्वतन्त्रता फिर्ता गर्नका लागि अमेरिका पार्टी गठन गरेका छौं,’ मस्कको भनाइ उद्धृत गर्दै अन्तर्राष्ट्रिय समाचार संस्था रोयटर्सले लेखेको छ, ‘तपाईंहरूले चाहनु भएको अनुसार नयाँ राजनीतिक दल हुनेछ ।’

आफ्नो पार्टीले प्रविधि र नवप्रवर्तनलाई केन्द्रमा राखेर देशको विकासमा योगदान पुर्‍याउने पनि मस्कले बताएका छन् ।

राष्ट्रपतिय निर्वाचन अघि नङ र मासु जस्ता रहेका ट्रम्प र मस्क बीचमा आएको सम्बन्धको दरार झनै बढ्ने अनुमान गरिएको छ ।