Sansar News
देशको राजधानी समेत रहेको काठमाण्डौ महानगरभित्र माओवादी निकट महिलाहरुले संगठन अभियानसंगै रचनात्मक काम मार्फत सक्रियता बढाउन थालेका छन ।
राजधानीबासीका ट्राफिक समस्या, बिजुलीमा गरिएका अघोषित लोडसेडींग, खानेपानी तथा सरसफाई एवं सामाजिक बिषयका मुद्धा संगठनले उठाउने बताउदै आएकी अखिल नेपाल महिला सङ्घ (क्रान्तिकारी) काठमाण्डौं महानगरकी अध्यक्ष मुना न्यौपाने सहितको टीमले महिलाहरुका बिच कौशिखेति तालीम समेत शुरु गरीसकेको छ ।
१५ न वडामा १९ सदस्यीय भेला आयोजक समिति निर्माण
यसैबिच अखिल नेपाल महिला सङ्घ (क्रान्तिकारी) काठमाण्डौं महानगर समिति अन्तर्गतको १५ वडामा एक वडा स्तरीय भेला आयोजक समिति र एक टोल समिति निर्माण गरिएको समाचार प्राप्त भएको छ ।
अखिल नेपाल महिला सङ्घ (क्रान्तिकारी) की केन्द्रीय सचिव रमा गिरीको प्रमुख आतिथ्यता, महिला नेतृ कल्पना महर्जन, मुना न्यौपाने, १५ वडा पार्टी अध्यक्ष तारा बहादुर रानाभाट, निर्मला सिंह लगायतको आतिथ्यता तथा कृष्णा रानाभाटको अध्यक्षतामा असार २१ गते शनिवार स्वयंभुमा संपन्न भेलाले रिमा महर्जनको संयोजत्वमा १९ सदस्यीय समिति चयन गरिएको छ ।
सो समितिको सचिवमा एलिशा श्रेष्ठ तथा सदस्यहरुमा मिना थोकर, सिता परियार, कान्छीमाया घिसिंग, कविता बिश्वकर्मा, माया वाईवा, हेम कुमारी मगर, सृजना तामांग, पुर्णीमा लामा, सुनिता लामा, निर्माया कुवर, फुलमाया तामांग, तृष्णा मगर, मंजु लामा, रिमा महर्जन, सानुकान्छि तामांग, रंजिता बिक, पुष्पा लामा, रिनादेवी शाक्य लगायत रहेका छन ।
नमुना बस्तिमा टोल समिति निर्माण
अखिल नेपाल महिला सङ्घ (क्रान्तिकारी) काठमाण्डौं महानगर १५ वडा अन्तर्गत सवयंभुको नमुनाबस्तिमा टोल समिति निर्माण गरिएको छ । मंजु लामा अध्यक्ष, सुनिता स्यांग्बो उपाध्यक्ष, मिना थोकर सचिव, रिना शाक्य कोषाध्यक्ष र पानीमाया वाईवा लगायत सदस्य रहेको टोल समितिले सदस्यता अभियान बढाउने र स्थानीय समस्या संकलन गर्ने बताईएको छ ।
वि.सं.२०८२ असार २२ आइतवार १०:५२ मा प्रकाशित
