हामी सबैकाे संसारन्यूज

काठमाडौं । प्रधानमन्त्री केपी शर्मा ओलीले नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’लाई कीर्तिपुर क्रिकेट रङ्गशालाको प्रगति हेर्न सुझाव दिएका छन् । प्रचण्डले ३०० दिनमा पनि रङ्गशालामा फ्लडलाइट र प्यारापिट नबनेको भन्दै प्रश्न उठाएपछि प्रधानमन्त्री ओलीले जवाफमा भने, ‘म प्रचण्डजीलाई आग्रह गर्छु, कीर्तिपुर गएर निर्माणाधीन प्यारापिट र जडान भइरहेका फ्लडलाइटका पोलहरू हेर्नुस्। काम भइरहेको छ ।’

प्रधानमन्त्री ओलीले आफ्नो कार्यकालमा तथ्यांकसहित जवाफदेही बनेर काम गरेको दाबी गर्दै प्रचण्डलाई उल्टै प्रश्न गरे । उनले भने, ‘तपाईँ प्रधानमन्त्री हुँदा कुनै कामका लागि समयसीमा तोकेर काम गर्छु भन्नुभयोरु तपाईंले कुनै काम गर्नुपरेन, गर्नुभएन । तपाईँसँग न वाचा, न निर्णय, न सङ्कल्प, न त कुनै उपलब्धि । मैले त समय तोकेर काम गर्छु भनेर प्रतिबद्धता जनाएँ र काम पनि गरेँ ।’

ओलीले प्रचण्डको पालामा कमजोर बनेको अर्थतन्त्र अहिले उल्लेख्य सुधार भएको दाबी गर्दै तथ्याङ्क हेरेर मूल्याङ्कन गर्न सुझाए।