हामी सबैकाे संसारन्यूज

काठमाडौँ । आई.एम.ई. लाइफ इन्स्योरेन्सद्वारा पोखरामा Business Excellence Award Night २०२५ (BEAN–२०२५)  भव्य रुपमा सम्पन्न भएको छ । आर्थिक वर्ष २०८१/८२ मा उत्कृष्ट व्यबसाय गर्ने कम्पनीमा आबद्ध अभिकर्तालाई उक्त अवार्ड दिएर सम्मान गरिएकाे हाे ।

पोखरा ग्राण्डमा आयोजित समारोहमा कम्पनीका सञ्चालक समितिका सदस्यहरु, प्रमुख कार्यकारी अधिकृत, नावय प्रमुख कार्यकारी अधिकृतहरु, चिफ मार्केटिङ अफिरहरु , प्रदेश प्रमुखहरु र कम्पनीका कर्मचारीहरुको सहभागितामा अवार्ड समारोह सम्पन्न भएको छ ।

कम्पनीका अभिकर्ताहरूको व्यबसायीक उत्कृष्टता, समर्पण र निरन्तरताको कदरस्वरुप उक्त विषेश कार्यक्रम आयोजना गरिएको थियो । स्वदेशी उधोगहरुलाई प्रवद्र्धन गर्ने उद्देश्यले अभिकर्ताहरूलाई नेपालमै निर्मित स्वदेशी आखिझ्याल शैलीका विशेष अवार्ड प्रदान गरिएको थियो ।

कार्यक्रममा आई.एम.ई. लाइफका प्रमुख कार्यकारी अधिकृत पवन कुमार खड्काले कम्पनीले प्राप्त गरेको सफलता सम्मान र अवार्डहरु अभिकर्ता र कर्मचारीहरूको निरन्तर सहकार्य प्रतिफल भएको  बताए । उनले भविष्यमा अझ प्रगतिशील, प्रविधिमैत्री, बीमित र अभिकर्ता केन्द्रीत सेवाहरू सञ्चालन गर्दै लैजाने उद्घाेष गरि समारोहको समापन गरेका थिए ।