हामी सबैकाे संसारन्यूज

काठमाडाैँ । एनएमबि  बैंकले आफ्नो संस्थागत सामाजिक उत्तरदायित्व (CSR) अन्तगगत गण्डकी प्रदेशको मानवसेवा आश्रमलाई १,००० ललटरको सोलार साथै सोलार बत्तिहरु हस्तान्तरण गरेको छ ।

पोखरास्थित आश्रममा अायाेजित एक कार्यक्रमबिच उक्त सोलार सामग्री हस्तान्तरण गरिएको हो । प्रमुख अतिथि गण्डकी प्रदेशका सामाजिक विकास, युवा तथा खेलकुद मन्री विन्दुकुमार थापाले दीप प्रज्वलन गरी कार्यक्रमको उद्-घाटन गरे ।

एनएमबि बैंकका प्रमुख कार्यकारी गोविन्द घिमिरेले  कार्यक्रमकाे अध्यक्षाता गरेका थिए । बैंकका संस्थापक शेयरधनीहरू राजेन्द्र कुमार बाटाजु, प्रा. डा. हरि पाठक,  शालिकराम घिमिरे, विमल बहादुर  कुँवर र ओम कुमार मुल्मीको उपस्थिति रहेको थियाे । साेही अवसरमा मानवसेवा आश्रमका संस्थापक अध्यक्षा रामजी अथिकारीले मन्तव्य राखेका थिए ।

बैंकका तर्फबाट संस्थापक शेयरधनीहरू, प्रमुख कार्यकारी अथिकृत, बरिष्ठ कार्यकारी अथिकृत लगायतले एकमुष्ट रुपमा सोलार सामग्री हस्तान्तरण गरेका थिए । उक्त कार्यक्रममा बैंकका बरिष्ठ नायब प्रमुख कार्यकारी अधिकृत सुदेश उपाध्याय, मानवसेवा आश्रमका
महासचिव सुशीला के. सी. (रूपा),  रिटेल तथा साना व्यवसाय प्रमखु गणेश पराजुली, बैंकका प्रदेश प्रमुख दुर्गाराम पुरी लगायत बैंकका कर्मचारी र मानव सेवा फाउण्डेसनका प्रतिनिधिहरूकाे उपस्थिति थियाे ।

बैंकले दिगो विकासलाई प्राथमिकता दिँदै  यस  वर्षकाे साउन महिनालाई  ग्रिन मन्थ (Green Month) को रूपमा मनाइरहेको छ । सोही अभियान अन्तर्गत दिगो विकासको एक हिस्साको रूपमा, याे संस्थागत सामाजिक उत्तरदायित्व (CSR) कार्यक्रम सम्पन्न भएको हो।

बैंकले यस्तै राम्रा कार्यक्रम देशभर सञ्चालन गरिरहेको छ । यस बैंकका हाल देशभरी २०२ शाखाहरु, १८७ एटिएमहरु र ९ एक्सटेन्सन काउन्टरहरु मार्फत  उच्चस्तरीय सेवा प्रदान गदै आइरहेको छ ।