हामी सबैकाे संसारन्यूज

काठमाडौं । नेपाल राष्ट्र बैंकले बैंक तथा बित्तिय संस्थाहरुबाट तीस अर्ब रुपैंयाँ आफूमा खिच्न लागेको छ । बुधबार राष्ट्रबैंकले ३० अर्ब रुपैयाँ निक्षेप संकलन गर्ने सूचना जारी जारी गर्दै यस्तो बताएको हो । चालु आर्थिक वर्षमा राष्ट्र बैंकको यो नवौं पटकको निक्षेप संकलन उपकरणको प्रयोग हो ।

बैंकहरुमा अधिक तरलता थुप्रिएपछि त्यसको व्यवस्थापन गर्न राष्ट्र बैंकले बैंक तथा बित्तिय संस्थाहरुसँग निक्षेप संकलन उपकरणको प्रयोग गरि तरलता व्यसस्थापन गर्ने गरेको छ ।

गत आर्थिक वर्षमा ८० पटकभन्दा बढी यो उपकरणको प्रयोग गरेको राष्ट्र बंैंकले चालु आर्थिक वर्षको एक महिना र केहि दिनमानै नौ पटक यो उपकरणमार्फत निक्षेप संकलन गरिसकेको छ ।

बाह्य क्षेत्रमा बैंकहरुको लगानी सुस्त, राष्ट्र बैंकमा सस्तैमा जम्मा गर्छन् पैसा

अहिले बैंकहरुको औषत व्याजदर ६ प्रतिशतको हाराहारिमा छ । त्यसमा कम्तीमा २ प्रतिशत प्रिमियम जोडेर बैंकहरुले व्याजदर निर्धारण गर्ने गरेका छन् । तर, बैंकहरु भने राष्ट्र बैंकमा सस्तै ब्याजदरमा निक्षेप जम्मा गरिरहेका छन् । चालु आर्थिक वर्षको करिब एक महिनाको अवधिमा बैंकहरुले २.५१ प्रतिशत देखि २.७५ प्रतिशत व्याजदरमा नै खर्बौं नगद जम्मा गरिसकेका छन् ।

हाल नेपालमा १ सय ४६ बैंक तथा बित्तिय संस्थाहरु सञ्चालमा छन् । जसलाई नेपाल राष्ट्र बैंकले प्रत्यक्ष सुपरिवेक्षण र निर्देशन गर्छ ।