हामी सबैकाे संसारन्यूज

काठमाडौं । राष्ट्रपति कार्यालय शीतल निवासमा सुरक्षा व्यवस्था कडा बनाइएको छ । बिहीबार राति राष्ट्रपति रामचन्द्र पौडेल शीतल निवास प्रवेश गरेसँगै सेनाले सुरक्षालाई बढाएको हो ।
राष्ट्रपति पौडेलले पूर्वप्रधानन्यायाधीश सुशीला कार्कीलाई प्रधानमन्त्री नियुक्ति गर्ने तयारी गरेका छन् । त्यसैले पनि शीतल निवासमा सुरक्षा बढाइएको हो । कार्कीलाई प्रधानमन्त्री नियुक्त गर्न राष्ट्रपति पौडेलले बिहीबार दिनभर र मध्यरातसम्मै छलफल र परामर्श गरेका थिए ।

बिहीबार दिउँसो राष्ट्रपति पौडेल र प्रधानसेनापति अशोकराज सिग्देलले संयुक्तरूपमा निवर्तमान प्रधानमन्त्री केपी शर्मा ओलीसँग पनि पनि छलफल गरेका थिए ।
आज पनि राष्ट्रपति पौडेल नयाँ सरकार गठनबारे कानुविद्हरुसँग परामर्शमा छन् । सम्भवतः कार्की आजै प्रधानमन्त्री नियुक्ति हुने शीतल निवास स्रोतले जनाएको छ ।