Sansar News
काठमाडौँ । संविधान र लोकनत्त्र बचाऔँ भन्दै नेपाली काँग्रेसपनि सडकमा आन्दोलित भएको छ । शुक्रबार काँग्रेसका विभिन्न नेता तथा कार्यकर्ताहरु गोंगबु काठमाडौमा संविधान र लोकनत्त्र बचाउँन भन्दै आन्दोलन गरेका हुन् ।
आन्दोलनको क्रममा एक वक्ताले माओवादी युद्धले १५ वर्ष पछाडि धकेलेको देश जेनजी भनिएको आन्दोलनले ३० वर्ष पछाडि धकेलेको बताए । उनले लोकतन्त्रको सुन्दर पक्ष मानिएको न्यायपालिका, कार्यपालिका र व्यवस्थापिका तीनै तहलाई खरानी बनाइएको भन्दै आक्रोश पोखे ।
‘सार्वजनिक सम्पत्ति बचाउन सकेनन्, हाम्रा सभापतिको समेत सुरक्षा गर्न सकेनन्’, ती व्यक्तिले भने, यो सुरक्षा निकाय कुम्भकर्ण जस्तै निदायो । बिउँझनु पर्ने बेलामा सुत्यो, सुत्ने बेलामा बल्ल बिउँझियो ।’
उनले नेपालका सार्वजनिक सम्पति र व्यक्तिका नीजि सम्पति खरानी पारिँदा नेपाल आमा रोइरहेको भन्दै संविधानबचाउन लोकतन्त्रबादीलाई सडकमा आउन आग्रह गरे ।
‘यो देशलाई निरन्तकुशसतातर्फ धकेल्न तानाबाना भयो । आवश्य परे ६२÷६३ को जस्तै आन्दोलन गर्नपनि पछाडी हट्दैनौँ’, उनले थपे, ‘कस्का कारणले यस्तो भयो हामीले चिनेका छौँ । देशलाई विधोंस बनाउनेलाई छोड्नुहुन्न कानुनी दायरामा ल्याउनै पर्छ ।’
उनले जेनजीको नेतृत्व गर्नेहरुलाई सञ्जालमा गाली गरेर नचल्ने भन्दै जेनजीकै नेतृत्वमा एक महिना सरकार चलाएर देखाउन चुनौती दिए ।
वि.सं.२०८२ भदौ २७ शुक्रवार १३:२३ मा प्रकाशित
