हामी सबैकाे संसारन्यूज

काठमाडौँ । भदौ २३ र २४ गतेको जेनजी प्रदर्शनपछि खुलेको सेयर बजारमा तेस्रो पटक नेगेटिभ सर्किट ब्रेक लागेसँगै बिहिबारको लागि सेयर कारोबार नै बन्द भएको छ ।

पहिलो सर्किट ब्रेक लागेसँगै २० मिनेट बन्द भएर खुलेको कारोबारमा पुन ११ बजेर २३ मिनेट जादा अर्को सर्किट ब्रेक लागेर ४० मिनेट पछि खुलेको बजार ३ मिनेटमै तेस्रो सर्किट लागेको हो ।

कारोबार खुलेको २ मिनेटमै नेप्से परिसूचक ४ प्रतिशत घटेपछि पहिलो सर्किट ब्रेक लागेको थियो । त्यसपछि खुलेको बजारमा फेरि कुल ५ प्रतिशत घटेपछि दोस्रो सर्किट ब्रेक लागेको हो । फेरि खुलेको बजारमा फेरि कुल ६ प्रतिशत घटेपछि तेस्रो सर्किट लोगेको हो ।

६ प्रतिशत घट्दा नेप्से परिसूचक १६० अंक घटेर २५११ मा कायम भएको छ । कुल करिब ५ मिनेट मात्रै कारोबार भयो । आज १७ लाख ५२ हजार कित्ता किनबेच हुदाँ  आज ७२ करोड ८७ लाख रुपैयाँको कारोबार भयो ।