Sansar News
काठमाडौँ । नेपाली सङ्गीत प्रेमीहरूका लागि नयाँ उपहार स्वरूप प्रीति आले, प्रेम सोनी सुनार र नितु थापाको सहभागितामा नयाँ गीत ‘तीनपाने’ सार्वजनिक भएको छ। गीत प्रेम सोनी सुनारको आधिकारिक युट्युब च्यानलमा मात्र उपलब्ध छ।
गीतमा प्रीति आले, प्रेम सोनी सुनार, नितु थापा, दिलीप मनन्धर र अनिल मगरको स्वर रहेको छ। गीतका शब्द र सङ्गीत प्रेम सोनी सुनारको हो । भिडियोमा प्रेम सोनी सुनार, सरद एलजी, चाहना राना, ममता तामाङ, नेत्र गुरुङ, मीना रसाइली र बिजय विष्टको अभिनय रहेको छ।
संगीतको संयोजन सागर बाजुरालीले गरेका हुन् भने मिक्सिङ र मास्टरीङ खडक बाजुरालीले गरेका छन्। भिडियोको निर्देशन र कोरियोग्राफी एकिन्द्रसारा शंकरले गरेका हुन्। सिनेमाटोग्राफी समिर रामदम र टोलीले गरेका हुन् भने सम्पादन, ग्राफिक्स र कलरिङ सुजन कोइरालाले गरेका छन्।
गीत छोटो समयमै दर्शकहरू माझ चर्चा बटुल्ने गरी तयार पारिएको छ। संगीत, लय र दृश्य संयोजनले गीतलाई अझ जीवन्त बनाएको छ।
वि.सं.२०८२ असोज २९ बुधवार १३:५२ मा प्रकाशित
