हामी सबैकाे संसारन्यूज

काठमाडौं । जेनजी आन्दोलनका क्रममा पोखराको वरपिपल रिसोर्टमा भएको तोडफोड तथा आगजनी घटनामा संलग्न रहेको आरोपमा पाँच जना पक्राउ परेका छन्।

पक्राउ पर्नेमा पोखरा महानगरपालिका–१७ घारीपाटनका २९ वर्षीय रुपक नेपाली, पोखरा–१८ का ४२ वर्षीय खड्कबहादुर थापा, ३२ वर्षीय खुमराज गुरुङ, ४७ वर्षीय नवराज खड्का र २७ वर्षीय एलिसा गुरुङ रहेका छन्।

जिल्ला प्रहरी कार्यालय कास्कीका प्रमुख एसपी नवीन कार्कीका अनुसार पक्राउ परेका व्यक्तिहरूमाथि आपराधिक उपद्रव मुद्दामा अनुसन्धान अगाडि बढाइएको छ।

प्रहरीका अनुसार रुपक नेपालीले माओवादी अध्यक्ष पुष्पकमल दाहाल ‘प्रचण्ड’को लगानी रहेको भन्दै भीडलाई उक्साएर रिसोर्टमा तोडफोड र आगजनी गराउन नेतृत्व दिएको प्रमाण संकलन गरिएको छ।