Sansar News
काठमाडौँ । नेपाली कम्युनिस्ट पार्टी र मातृभूमि राष्ट्रिय जागरण अभियान नेपालबीच आगामी २६ कात्तिकमा एकता कार्यक्रम हुने भएको छ । उक्त कार्यक्रम काठमाडौँको राष्ट्रिय सभागृहमा दिउँसो २ बजेका लागि तय गरिएको बताइएको छ ।
एकता कार्यक्रमलाई ऐतिहासिक बनाउने उद्देश्यले दुबै पक्ष सक्रिय तयारीमा जुटेका छन् । पार्टी स्रोतका अनुसार उक्त अवसरमा दुबै संगठनका शीर्ष नेता, केन्द्रीय प्रतिनिधि, कार्यकर्ता र शुभेच्छुकहरू सहभागी हुनेछन् ।
दुबै पक्षबीच केही समयदेखि चल्दै आएको संवाद र सहमतिको परिणामस्वरूप एकता औपचारिक रूपमा सार्वजनिक गर्न लागिएको हो ।
राष्ट्रिय सभागृहमा आयोजना हुने सो कार्यक्रममा संयुक्त घोषणा पत्र जारी गरिने र आगामी संगठनात्मक संरचनाको रूपरेखा सार्वजनिक गर्ने तयारी गरिएको स्रोतले जानकारी दिएको छ ।
वि.सं.२०८२ कात्तिक २४ सोमवार १३:२३ मा प्रकाशित
