Sansar News
सुरेशकुमार पाण्डे
घोराही -१८, दाङ
१.
पार्टीविहीन बनाउँ सरकार
भन्छन् पार्टी खोल्दै
झुक्काउने गर्छन् व्यवहार ।
२.
दुर्गन्धित भयो अति
राजनीति हाम्रो देशको
नेताको सुध्रिएन मति ।
३.
राम्रो एकताको बाटो
अखण्ड देशका हामी
खाऊ स्वदेशको आटो ।
४.
कर्मले बनाउँछ चित्र
सकारात्मक र नकारात्मक
पावर हुन्छ खुराकभित्र ।
५.
चुनाव नजिक आयो
पार्टीहरू थाले चलमलाउन
नेताले साइत फर्कायो ।
६.
आफ्नै स्वार्थको खेल
जति कोसिस गरोस्
हुन्छ आखिर फेल ।
७.
छैन राजनीति सजिलो
दलाली गर्नेको भिडमा
देशभक्त बन्छ अगतिलो ।
८.
सडक, सदनको सङ्घर्ष
गरिरहेकै हुन्छन् गर्नेले
भत्किरहन्छ प्रत्येक वर्ष ।
९.
सबैले छ सोच्नैपर्ने
आज प्रण गरौँ
भ्रष्टाचार कत्ति नगर्ने ।
१०.
बाचौँ देशका लागि
सभ्य नागरिक भएर
कोही नबनौँ दागी ।
वि.सं.२०८२ कात्तिक २९ शनिवार ०६:०३ मा प्रकाशित
