Sansar News
धनसिंह गिरि, दाङ
चमत्कारै भयो यो सिर्जनामा मेरो
मिल्यो ठूलो सफलता साधनामा मेरो
गजल नै लेख्न थालेँ प्रेममा पागल भै
तिमी आएर पलपल सम्झनामा मेरो
घुमेँ संसारभर किन्तु फिरेँ घर तिम्रै
पर्यौ केवल तिमी नै चाहनामा मेरो
कुनै शङ्का नगर्नू प्रेयसीले हरदम
तिमी बाहेक छैनन् कल्पनामा मेरो
तिमी मेरी नबन्दा लाग्न थाल्यो मनमा
भयो कमजोरी सायद प्रार्थनामा मेरो
बहर : हजज अशरम
मफाईलुन् मफाईलुन् मफाईलुन् फऊलुन्
वजन : १२२२ – १२२२ – १२२२ – २
रदिफ : मेरो
काफिया : अनामा
रदिफ : उनकाे
अभ्यास : उज्यालो पाठशाला
वि.सं.२०८२ फागुन १६ शनिवार ०६:०१ मा प्रकाशित
