हामी सबैकाे संसारन्यूज

काठमाडौँ । नेत्रविक्रम चन्दले नेतृत्व गरेको पार्टीले नाम फेरेको छ । नेपाल कम्युनिस्ट पार्टी परिवर्तन गरी नेकपा (माओवादी) बनाएर निर्वाचन आयोगमा दर्ता गरिएको छ । पार्टीको चुनाव चिह्न भने गुलावको फूल रहेको छ ।

विप्लवको पार्टीका एक नेताले फेसबुकमा लेखेका छन्,’माओवादी आन्दोलनलाई गुलाबसँग जोडेर एकीकृत जनक्रान्तिको नयाँ मोर्चामा अगाडि बढौँ । नयाँ समय,नयाँ पुस्ता, नयाँ आन्दोलन ! जनताको नयाँ निर्णयमा भरोसा गरौँ ।’

माओवादी, नेकपा एसलगायतका दलको एकीकरण प्रक्रियमा नगएका तत्कालीन माओवादीका उपमहासचिव जनार्दन शर्मा, एकीकृत समाजवादीका घनश्याम भूसाललगायतले नेत्रविक्रम चन्दबीच साझा मोर्चा बनाएर अघि बढ्ने गरी नयाँ सहमति गरिसकेका छन् ।